مستخدمين كورولا 21 المكينه الجديدة. وش رأيكم فيها ؟

علينا وعليك وكل عام وانت بخير

اذا داخل المدينة ممتازة اذا خارج المدينة انصحك بمكينة ٢.٠ وفوق افضل في العزم

الشهر مبارك علينا وعليك
السيارة استأجرتها أمس ومشيت عليها مسافة ٣٠٠ كيلو فيها طلوع ونزول،، أول ما ركبتها حسيت السيارة ناعمه داخل المدينة وممتازة وبعدها في الخط ما ناسبتني بالمرة قير ال CVT يجلط والله إنه أسوأ قير مر علي السيارة تكتم وعزمها في الطلوع سيء،، صرفية البنزين جدا ممتازة عبيتها ب ٢٥ ريال ومشيت عليها ٣٠٠ وزيادة وكان فيها بنزين من قبل شوي،، الزبدة السيارة داخل المدينة ممتازة وتمشي الحال للشخص اللي مايحب الدعس وهادي في السواقه،، في الخط ماتنفع

قير CVT مناسب اذا قوة المحرك اكثر من ١٥٠
يعني على الالتيما و الاكورد و الماكسيما ينفع خط
قوة المحرك تعوض بط استجابة القير
لكن افضل استخدام خط يكون القير تبترونك
و فيه تحكم يدوي لتعشيقات القير

بالنسبة للاختلاف بين محرك الكورولا
٣ و ٤ سلندر الفرق اوفر تغيير بوجي !
مدري وش الفرق و لا نزلت لا بامريكا و لا باستراليا
ثلاث سلندر المعروف اربع حجم 1.6 عندنا و 1.8 برا
و 2.0 الافضل لكن بشكل عام الكورولا ارتفع سعرها
و مع الضريبة وصلت ٧٥ ممكن اكثر
اشوف البديل شانجان ايدو لا بأس فيها
وكيلها المجدوعي حق هونداي و كلها سيارات استخدام مدينه مش حالك

قصدي اذا كان الخط طلعات و نزول
قير عادي او اوتو تبترونك تحكم يدوي افضل شي

الثلاثة سلندر توزيع القوه غير متساوي ، صوت واهتزاز اعلى من الاربعة ، استجابتة للدعسة ابطأ، الشركات اتجهت لهذا النوع فقط للتوفير لا اكثر . بالسوق يتوفر خليجي بمحرك ارعه سلندر انصحك فيها او ابحث عن خيارات اخرى وانصحك بتجنب قير ال CVT